Жаңалықтарды Telegram арнамыздан оқыңыз!Халық бұрынғы Альфа-Банктен әлі күнге дейін ақшасын шетел валютасы арқылы шектеусіз ала алмай жүр. Атауын қазір Eco Center Bank деп ауыстырғанымен, тәуліктік шектеулер әлі алынбаған. Бұған жауаптылар банктің әлі санкциялар тізімінен алынбауы себеп дейді. Дегенмен шілдеден бастап банкомат мен бөлімшелердегі шектеуді 200 мың теңгеден 500 мыңға дейін көтерді. Ал мобильді қосымша арқылы енді 100 мың емес, 500 мың теңгеге дейін ақша аударуға болады. Банкте шетел валютасында сақталған ақшаның бәрін алу үшін оны теңгеге ауыстыру қажет. Еске салайық, санкцияға іліккен соң сәуірде Альфа-Банктен азаматтар қаржысын жаппай алуға асықты. Мамырда банктің 100% акциясын Центр Кредит банкі сатып алды.
Ақерке Бектас
