Заңсыз тасымал: Түркияда тергеу жүріп жатыр

Украинадан астықты заңсыз тасымалдауға қатысты тергеу бойынша Қазақстан Түркия тарапына сұрау салды. Индустрия және инфрақұрылымдық даму министрі Қайырбек Өскенбаев «Жібек жолы» кемесінің жалға берілгенін және оған жалға алғандар жауап беретінін айтты. Қазақстан мен халықаралық құқықта тыйым салынған іспен айналысқан жағдайда арадағы келісімшарт бұзылады. Ол бұл жағдайға қатысты құқықтық сипатты Түркия тарапы беру керегін жеткізді. Еске салайық, бұған дейін Украинадан Түркияға «Жібек жолы» кемесі арқылы 7 мың тонна астық заңсыз тасымалданды деген ақпарат тараған. Ал дәл осы «Жібек жолы» кемесі қазақстандық KTZ Express Shipping компаниясына тиесілі.

Қайырбек Өскенбаев, ҚР Индустрия және инфрақұрылымдық даму министрі:

Қазақстан ешқандай заң бұзған жоқ. Ол компанияға ешқандай шектеулер болған жоқ. Сол себептен заңды түрде жалға алуға берілді. Бірақ егер ол жақтан заң бұзушылық болса, біз де тиісті шара қабылдап, өз шешімімізді белгілейміз.

Ақерке Бектас