Таразда алаяқ ұсталды

Таразда төмен пайызбен несие алып беремін деп, тұрғындарды алдап соққан әйел ұсталды. 

Ол 34 жастағы қала тұрғыны болып шықты. Алаяқтық әрекет полиция бөліміне бірнеше адамнан арыз түскен соң белгілі болған. Күдікті тұрғындардың сеніміне кіріп, 500 мыңнан бастап 5 миллион теңгеге дейін төмен пайызбен несие алған. Алайда ақшаны өзі иемденіп отырған.

Жалпы келтірілген шығын көлемі 47 миллион 80 мың теңге. Күдікті өз кінәсін толық мойындап, уақытша ұстау изоляторына қамалды. Қылмыстық іс қозғалды.