Жаңалықтарды Telegram арнамыздан оқыңыз!Ресейдің қант экспортын шектеуі - тауардың қымбаттауына себеп болды. Осылай деген Сауда және интеграция министрі Қазақстанның 6 түрлі тауар бойынша импортқа тәуелді екенін айтты. Соның бірі қант. Әрі әлемде оның биржалық құны өсіп жатыр. Дегенмен негізгі тауарларға ішкі нарықта тапшылық жоқ. Тұрақтандыру қоры, айналым әдісі арқылы арнайы бағдарлама дайындалған. Елге 350 мың тонна қант импорттауға келісім бар. Бірақ әлі 100 мың тоннаға жуық қант қажет. Тараптар шілдеде өтетін Еуразиялық экономикалық комиссия отырысында осы мәселені де көтереді. Ал қантты баж салығынсыз сатып алу туралы келісім 31 қазанға дейін ұзарғанын еске салайық.
Ақерке Бектас
