Семей-Алакөл бағытындағы тас жол жөнделеді

Семей-Алакөл бағытындағы тас жолдың сапасын жақсартуға басымдық беріледі. Бұл туралы Үкімет қабырғасында Абай облысының әкімі Нұрлан Ұранхаев мәлімдеді.

Жаңадан құрылған аймақтың басшысы келесі аптада өңірге Үкімет және Мәжілістегі тиісті комитет мүшелері мен жауапты органдардың өкілдері келетіндігін айтты. Сол кезде қордаланған мәселе жан-жақты қаралмақ.

Нұрлан Ұранхаев, Абай облысының әкімі:
Облыс транзиттік әлеуетін дұрыс пайдалана алмай отыр. Бұл үлкен мәселе. Абай облысы Ресеймен және Қытаймен шектеседі. Жол – тіршіліктің күре тамыры. Болашақта транзиттік әлеуетті кеңінен пайдалануымыз керек.