Жаңалықтарды Telegram арнамыздан оқыңыз!Жетісу облысының Сарқан ауданында білім бөлімі бір кітап жиынтығын 58 млн теңгеге сатып алмақ болған. Өрескел заңбұзушылықты облыстық Сыбайлас жемқорлыққа қарсы қызметі анықтаған.
«Сатып алудың бірыңғай терезесі» веб-порталындағы келеңсіз жағдайды құзырлы орган бірден тоқтатты. Кейін мемлекеттік мекеме кітап жиынтығына 5 млн теңге деген баға көрсеткен.
Сондай-ақ «Қоғамдық келісім» мемлекеттік мекемесі сауалнама жүргізу үшін 33 млн теңгеге тапсырыс берген. Бұл жағдай да дер кезінде анықталып, сатып алу тоқтатылды.
Жалпы жыл басынан сыбайлас жемқорлықпен күрес қызметі 1 млрд теңгеге жуық қаржыны бюджетке қайтарған.
Қуаныш Қанатұлы
