Жамбылда жарылыстан қалған оқ-дәрілерді жою жұмыстары басталды

Жамбыл облысы Байзақ ауданындағы әскери бөлімдегі жарылыстан қалған оқ-дәрілерді жару жұмыстары басталды. Бұл шара 6 айға дейін жалғасады.

Оқ-дәрілерді қолдан жару Байзақ ауданы маңындағы таулы аймақта жүзеге асуда. Аталған учаске тұрғындар үшін де, жұмыс күндері оқ-дәрі сынықтарын жоюды жүзеге асыратын ең қолайлы жер болып есептеледі. Сондықтан, қалдық оқ дәрлерді жаруға осы аймақ таңдалып отыр дейді әскерилер. Жарылыс жұмыстары кезінде қауіпсіздікті қамтамасыз ету мақсатында алаң аумағы қоршалып, сақтық ережелері қатаң бақылануда. Сонымен қатар, әскери бөлімнің аумағында оқиғаның салдарын жою үшін мамандар шашылған снаряд қалдықтарын тазалауды әлі күнге дейін жалғастыруда.