Референдум барлық заңдылықтарды сақтай отырып жасалды - халықаралық байқаушы

Жалпы халықаралык байқаушылар референдум өткізу тәртібін жоғары бағалап жатыр. Бүгін олардың бірқатары орталық референдум комиссиясына келіп брифинг өткізіп, ойын бөлісті. Олар барлық заңдылық сақталғанын айтты. Ұйымдастыру жұмыстары өте жоғары деңгейде болды. Қатысушылардың белсенділігіне ерекше тоқталған байқаушылар халықтың көңіл-күйі жоғары болғанын да атап өтті.

Леонид Анфимов, ТМД байқаушылар миссиясының төрағасы:

ТМД-дан келген байқаушылар 865 референдум учаскесіне барды. Байқаушылардың кедергісіз жұмыс істеуіне барлық жағдай жасалған. Референдумның нәтижесіне әсер ететіндей бір де бір заң бұзушылық байқамадық. Қорыта айтқанда, референдум барлық заңдылықтарды сақтай отырып жасалды.