Қазақстандағы референдум жоғары деңгейде ұйымдастырылды – шетелдік байқаушылар - «Qazaqstan» Ұлттық телеарнасы

Қазақстандағы референдум жоғары деңгейде ұйымдастырылды – шетелдік байқаушылар

06.06.2022

Қазақстандағы референдум жоғары деңгейде ұйымдастырылды. Шетелдерден келген байқаушылар саяси науқанға осындай баға беріп отыр. Орталық референдум комиссиясы мен мемлекеттік органдар дауыс беру барысында барлық норманың мүлтіксіз сақталуын қамтамасыз етті. Учаскелердегі жұмысты ұйымдастыру лайықты деңгейде өтті, құқық бұзушылық болған жоқ, дейді бақылаушылар.

Чжан Мин, Шанхай ынтымақтастық ұйымының бас хатшысы:

Референдум учаскелерінде ешқандай заңбұзушылық тіркелген жоқ. Халық өте белсенді. Сонымен қатар, қоғамда ертеңгі күнге деген сенім байқалады. Мен барша қазақстандықтарға жарқын болашақ, өсіп-өркендеу тілеймін!

Эльмира Хаймурзина, Ресей Федерациясы Орталық сайлау комиссиясының мүшесі:

Мен өзім болған учаскелерде халық белсенділігі өте жоғары болды. Тіпті өз таңдауларын жасау үшін кезек күткен адамдарды да көрдім. Отбасыларымен келіп дауыс бергендер де бар. Мұның барлығы азаматтардың үлкен жауапкершілігін көрсетеді. Учаскелердегі тыңғылықты дайындық, мамандардың біліктілігі, барлығы көрініп тұр. 

Хабарламаларға жазылу