Жаңалықтарды Telegram арнамыздан оқыңыз!Жаһандану немесе оңашалану. Ұлттық құндылықты ұлықтауда дамыған елдердің даңғыл жолына бет бұрған жөн бе, әлде төл мәдениетке тереңірек үңілген тиімді ме? Онлайн марафондағы дискуссия алаңында саясаттанушылар осы тақырыпта әңгіме өрбітті. Еңбек және туризм миграциясының жаһандану үрдісіне тигізер әсері, бұқаралық мәдениеттің ел дамуына берер пайдасы мен зияны кеңінен талқыға түсті. Сарапшылар мемлекет мәртебесін көтеру үшін модернизациялық үдерістен қашпай, керісінше, дарынды жастарымызды дамыта отырып, ұлттық контентпен төтеп беруіміз қажет дейді.
Алуа Жолдыбалина, ҚР Президенті жанындағы ҚСЗИ директорының орынбасары:Жаһандану процесінен біз қашып құтылмаймыз. Ол болады. Себебі мысалы телефондарымыздың өзі жаһанданудың әсері. Бірақ, одан бөлек, мемлекеттің, елдің өзінің иммунитеті болады. Тіл, дін, құндылық, өнер, музыка деген сияқты. Сол арқылы ұлттық контентті жасауға болады. Ұлттық контент арқылы жаһандануға төтеп беруге болады.
