Ресейдің 5 қаласында референдум учаскесі ашылған

Ресейде жүрген қазақстандықтар да референдумға қатыса алады. 5 қалада референдум учаскесі ашылған.

Индира Бегайдар, тілші:

«Рахмет Гүлназ. Біз қазір елшілікте орналасқан нөмірі 265 учаскесінде тұрмыз. Ол сағат таңғы 7.00 ашылды, мұнда барлығы үш дауыс беру кабинасы орнатылған. Сонымен бірге тасымалданатын жәшік те дайын, бірақ үйде дауыс беруге өтініштер түскен жоқ. Еліміздің болашағына бей-жай қарамайтын азаматтарымыздың таңғы жетіден бастап белсенділік танытқанын байқадық.

Александр Синяговский, учаскелік референдум комиссиясының төрағасы:

Мәскеу бойынша 2000-дай адам келеді деп күтіп отырмыз. Дауыс беру кезінде міндетті түрде жеке куәлігі не паспорт болу керек. Дауыс беру 20.00 де аяқталады.

Мәскеуден бөлек, қазақстандықтар Санкт-Петербург, Қазан, Астрахань және Омбыдағы бас консулдықтарда ашылған референдум учаскелерінде дауыс бере алады. Ал Еуропада бұл шара қалай жүріп жатыр екен, сөз кезегін қарт құрлықтағы әріптесім Нұрсұлу Қасымға бердім

Индира Бегайдар