Семейде орман өртін сөндіру жалғасуда

Семейде Қарағайлы орманда кеше тұтанған өрт оқшауланды. Алайда мамандар әлі орман өрті қайта таралмауы үшін жұмысты жалғастырып жатыр.

Қанша аумақ жанған? Өрттің себебі не?

Ержан Жақып, тілші:
Семей іргесіндегі қарағайлы орманда кеше тұтанған өрт бүгін түске таман оқшауланды. Қызыл жалынның ошақтарын толықтай сөндіру үшін мамандар әлі де жұмыс істеп жатыр. Тілсіз жау «Семей орманы» резерватының 250 гектарын шарпып үлгерген. Оның тез таралуына қатты соққан жел себеп болған. Тәулік бойы 400-ден астам адам отпен арпалысты. Төтенше жағдай қызметінің мамандары мен көмекке әскерилер де жұмылдырылған. 90-ға жуық техника жұмыс істеді. Төтенше жағдай қызметінің мамандары өрт ошақтарын толық сөндіргенше жұмысты жалғастыра бермек. Алдын ала болжам бойынша қызыл жалын қатты найзағайдан тұтанған болуы мүмкін.

Ержан Жақып