Жаңалықтарды Telegram арнамыздан оқыңыз!Павлодарда «Конституциялық референдум - жалпыхалықтық дауыс» атты «Sarap» эксперттік клубының отырысы өтті. Шараны Референдумды қоғамдық қолдау республикалық штабы мен Ақпарат және қоғамдық даму министрлігінің «Қазақстандық қоғамдық даму институты» ұйымдастырды. Жиында референдум туралы қоғамдық ой-пікір, жалпыхалықтық дауыс берудің еліміздің саяси жүйесіне әсері талқыланды.
Сондай-ақ референдум төңірегіндегі ел тұрғындары көтеріп жатқан маңызды сұрақтар талқыланды. Отырысқа қатысушылар референдум өткізу идеясын қолдап, алда ірі өзгерістер болатынынан үміт күтетінін айтты.
Қазбек Майгелдінов, «Қазақстандық қоғамдық даму институтының» КЕАҚ басқарма төрағасы:
Халық тарапынан, қоғам тарапынан сайлау және басқа да құқықтарды кеңейту бойынша үлкен сұраныс болды. Осы сұранысты Президент Конституцияға өзгерістер енгізу арқылы жүзеге асырып отыр. Бұл Жаңа Қазақстанды халық қалайтын болса, сол үшін дауыс беретін референдум болмақ.
