Референдум: Италиядағы қазақстандықтар дауыс беруге дайын

Италиядағы қазақстандықтар референдумға белсене қатысуға ниетті. Осы елде оқып, жұмыс бабымен уақытша тұрып жатқандар, іс-сапарда, саяхатта жүргендер 5 маусымда Римдегі Қазақстан елшілігіне барып дауыс бере алады. Елшілік жанынан құрылған сайлау учаскесінің мүшелері консулдық есепте тұрған Қазақстан азаматтарына қоңырау шалып, референдумға қатысты түсіндіру жұмыстарын жүргізуде.

Жұмагүл Сарыева, ҚР Италиядағы елшілігі жанындағы №245 сайлау учаскесі комиссиясының төрағасы:

Елдің ертеңін ойлайтын азаматтарымыз жалпыхалықтың референдумға қатысып, өз дауыстарын беріп, Жаңа Қазақстанның құрылуына үлестерін қосатыны сөзсіз. Өйткені бұл елдігімізді, бірлігімізді, болашағымызды айқындайтын үлкен шара. Қазіргі таңда біздің сайлау учаскесінде 118 азамат дауыс береді деп күтілуде. 

Нұрсұлу Қасым