Басты Жаңалықтар Ақмолада 222 млн теңге жымқырған құрылыс бөлімінің басшысы ұсталды

Ақмолада 222 млн теңге жымқырған құрылыс бөлімінің басшысы ұсталды

28.05.2022 20:00

Ақмола облысы, Целиноград ауданына қарасты құрылыс бөлімінің басшысы 222 млн теңгені жымқырды деген күдікпен қамауға алынды.

Облыстық прокуратура дерегіне сәйкес, тұрғын үйлерді сыртқы электрмен жабдықтау объектілерін салу кезінде қаражат шенеуніктің қалтасына кеткен. Жоспарға сәйкес, трансформаторлық қосалқы станцияларды орнатпаған. 2019 жылдан бері бүгінге дейін жұмыс жүйелі орындалмаған.

Қазір осы іске қатысты тергеу жүріп жатыр. Қылмыс дәлелденсе, ол 7 жылдан 12 жылға дейін бас бостандығынан айырылуы мүмкін.

Ал Түркістан облысы Түлкібас ауданы әкімінің орынбасары 4 млн теңге пара алған жерінен ұсталды. Ол құрылыс компаниясының директорынан мемлекеттік сатып алу шартын жасауға байланысты қомақты қаржы алмақшы болған.

Қазір күдікті ұсталып, уақытша ұстау изоляторына қамалды.

Бөлісу