Сарапшылар: Конститутциялық реформа – жүйелі жаңару жолы

Конститутциялық реформа – жүйелі жаңару жолы. Бүгін сарапшылар клубы референдумның маңызы жайлы айтып, бұл саяси жаңғыруға ғана емес, әлеуметтік, экономикалық дамуға жол ашатынын жеткізді. Маңызды өзгерістердің бірі Конституциялық сот құру. Осылайша азаматтардың құқығын қорғау тетігі кеңейеді. Түзетулер енгізілгеннен кейін мемлекет еститін және тыңдайтын, азаматтарға үнемі жауап беретін болады дейді сарапшылар. Сондықтан жалпыхалықтық референдумға ат салысуға шақырып отыр.

Сләмжар Ахметжаров, әлеуметтанушы: 

Ұзақ жылдар бойы еліміздің саяси жүйесінде тоқырау болды. Яғни ешқандай даму болған жоқ. Халық өзгерісті қалап, талап қойды. Ең бастысы азаматтардың пікірін ескерген Президенттің тапсырмасымен конститутцияға түзетулер әзірленді. Енді бұл істі соңына дейін халық жеткізуі тиіс.