Жаңалықтарды Telegram арнамыздан оқыңыз!Қарағанды университетінде саяси реформаларды түсіндіру мәселелеріне арналған «Жаңа Қазақстан: Республикалық референдум» тақырыбында дәріс өтті. Оған Сенат депутаты Рысқали Әбдікеров, жоғары оқу орнының басшылары, референдум өткізу жөніндегі облыстық қоғамдық штаб өкілдері, ұстаздар мен студенттер қатысты.
Сенатор тыңдаушыларға Ата заңға өзгерістер енгізудің маңыздылығы, саяси реформалардың елге берер пайдасы жөнінде айтып берді. 5 маусымда өтетін референдумға азаматтардың белсенді қатысуы мемлекет болашағын айқындаудағы билік пен халықтың болашаққа бірлесе жасаған нақты қадамы, - деді ол.
Рысқали Әбдікеров, ҚР Парламенті Сенатының депутаты:Конституцияның 33 бабына 50-ден астам өзгерістер енгелі отыр. Мұның барлығы пісіп-жетілген реформалар деп мен өзім ойлаймын. Өйткені бүгінгі күні біздің тірегіміз халық. Бір жағынан бұл өзгерістердің барлығы халықты билік тұтқасына қарай тарту.
Руслан Нұрланұлы
