Жаңалықтарды Telegram арнамыздан оқыңыз!Маңғыстауда мектеп бітіруші түлектер жол апатына түсті. 7 адам түрлі дене жарақатымен ауруханаға жеткізілген. Екеуінің жағдайы - аса ауыр. Өңірдегі тілшіміз Аягөз Оралбайқызы оқиғаның мән-жайын скайп арқылы жеткізеді.
Аягөз Оралбайқызы:Жол апатына түскен жас түлектер Маңғыстау ауданындағы Сайөтес ауылының балалары. Олар соңғы қоңырау шарасынан кейін көлікпен қыдыруға шыққан болу керек. Себебі, жол көлік апаты «Шетпе-Сайөтес» тас жолының 268-шақырымында болды. 7 түлек отырған жеңіл көлік жолдан шығып кетіп, аударылған. Оны 17 жастағы бозбала тізгіндеген екен. Зардап шеккендер Шетпе ауылындағы аудандық ауруханаға жеткізілді. Сондағы дәрігерлердің хабарлауынша, 2 түлектің жағдайы өте ауыр болғандықтан медициналық санавиациямен Ақтауға жолданған. Ал қалған 5 баланың жағдайы орташа ауыр болған соң, хирургия бөліміне жатқызылған. Олардың жағдайлары қалыпты, - дейді дәрігерлер.Бұл дерек әкімшілік қылмыстық кодекстің 345-бабы 2-бөлігімен тіркелген. Тергеу жүргізілуде. Полицейлер бұдан бөлек, Жаңаөзен мен Ақтау қалаларында жол ережелерін бұзған мектеп бітіруші түлектерді іздестіруде. Олар көліктің терезесінен шығып, ленталарын бұлғап тәртіпсіздік жасаған.
Аягөз Оралбайқызы
