Жаңалықтарды Telegram арнамыздан оқыңыз!Елдің мәдени мұра агенттігінің сарапшысы Анна-София Хиген мен Тромсё университетінің профессоры Кнут Хельскогқа «Қазақстан Тәуелсіздігіне 30 жыл» медалін Президент Тоқаевтың атынан еліміздің осы мемлекеттегі елшісі Еркін Ақынжанов табыстады. Қос ғалым 2000-2006 жылдар аралығында Норвегия Сыртқы істер министрінің қаржылай қолдауымен «Тамғалы» шатқалының тастағы суреттерін сақтау, қорғау жобасына белсенді қатысқан. Соның нәтижесінде Таңбалы археологиялық петроглифтері 2004 жылы ЮНЕСКО-ның әлемдік мұралар тізіміне енді.
Анна-София Хиген, археолог, ғалым:Жартастағы жазуларды, мазарларды көне дәуірдегі адамдар жасағанын көргендегі сезімімді сөзбен жеткізе алмаймын. Ескерткіштің иісі, жабайы қызғалдақтар, қасқырлардың дауысы, таза ауа, шатырда ұйықтаған кездерімді ұмыту мүмкін емес. Тамғалы-менің алғашқы махаббатым. Осындай ғажап мекенді көруге, онда жұмыс істеуге, керемет адамдармен кездесіп, тәжірибе жинауға мүмкіндік бергені үшін Қазақстанға алғысым шексіз.
Нұрсұлу Қасым
