Елордада референдумға қатысты ғылыми-тәжірибелік конференция өтті

Елордада «Жаңа Қазақстан: тарихи сананы модернизациялау контекстіндегі Еуразияның этностары мен мәдениеттері» атты ғылыми-тәжірибелік конференция өтті. Шараға ғалымдар мен қоғам қайраткерлері қатысып, тақырып бойынша және алдағы референдум жайлы ой-пікірлерін ортаға салды. Еуразия этностарының мәдени мұрасын сақтаудағы Қазақстан халқы Ассамблеясының рөлін атап өтті. Жақын арада конференцияға дайындалған ғылыми еңбектердің электронды жинағы жарық көреді.

Бауыржан Еңсепов, тарих ғылымдарының кандидаты:

Бүгінгі Жаңа Қазақстан қандай бағытта даму керек? Біз қазіргі таңда интеграция болмай, жаһандану заманында оқшауланып өмір сүреміз десек жаһандық, үлкен құндылықтардан артта қалып қоямыз. Сондықтан, соны ары қарай игеруіміз үшін осындай Еуразия халықтарының арасында интеграциялық, этносаралық, мәдени-экономикалық байланыс ауадай қажет.

Берік Көшербай