Қазақстандықтардың 72 пайызы референдум идеясын қолдайды

Қазақстандықтардың 72 пайызы конституциялық түзетулер бойынша референдум өткізу идеясын қолдайды. Мұны әлеуметтік онлайн-сауалнама нәтижесі көрсетті. Орталық коммуникациялар қызметі халықтың алдағы саяси шараға деген көзқарасын, жалпы қоғамның пікірін саралап отырады. Соңғы сауалнамаға қатысқандардың 78 пайыздан астамы, референдум 5 маусымда өтетінін біледі. 69 пайызға жуығы дауыс беруге баруды жоспарлап отыр.

Халық арасындағы сауалнама нәтижесі:

72,01 % - референдум өткізу идеясын қолдайды

78,52 % - референдум 5-ші маусымда өтетінін біледі

68,92 % - референдумға қатысуды жоспарлап отыр

Берік Көшербай