Халық референдумның маңызын түсінуі керек

Алдағы референдумда Ата Заңымыздың 33 бабына 56 өзгеріс енгізіліп, бас құжаттың үштен бірі жаңарады. Екі бөлім атауы өзгереді.

«Бас редакторлар клубы» қоғамдық бірлестігі Конституцияға енетін өзгеріс-толықтырулар мен референдумның мән-маңызын халыққа ұғынықты тілмен жеткізу жайын талқылады.

Жиында БАҚ басшылары мен қоғам белсенділері ой бөлісті. Ел тарихындағы елеулі оқиғаға белсенді қатысу әрбір азаматтың басты борышы екенін атап өтті. Өйткені бұл келешек ұрпақтың тағдырына тікелей әсер ететін маңызды сәт екенін айтады.

Бибігүл Жексенбай, «Бас редакторлар» клубының жетекшісі:

Дәл осы БАҚ халыққа түсіндірме жұмысына байланысты ертеңгі референдумда халықтың тікелей белсенділігі артады. Нақты әр адамға қандай өзгеріс әкеледі, өміріне қаншалықты тиімді тұстары болатындығы сізбен біздің түсіндіруімізге байланысты болып отыр.