Қаржы тапшылығынан Павлодарда биыл басталуға тиіс екі ірі жоба келесі жылға қалды

Қаржы тапшылығынан Павлодарда биыл басталуға тиіс екі ірі жоба келесі жылға ысырылды. Шаһар ішіндегі жүктемені азайту үшін Омбы-Майқапшағай күре жолына Шығыс бағыттан 33 шақырымдық айналма жол салудың сметалық-жобалау құжаттары үш жыл бұрын әзірленген. Оған «ҚазАвтоЖол» кәсіпорыны мемлекеттен 21 млрд. теңге қаржы сұрап отыр. Ал, Елордаға Ертіс өзені арқылы шығатын көпірге 60 жыл болады. Әбден тозған. Оның үстімен 10 тоннадан артық көліктердің жүруіне тиым салынғанына 4 жыл болды. Көпірді бұзып, орнына жаңасын салу үшін 40 млрд. теңге қажет. Кезінде бұл жобаны да республикалық бюджеттен қаржыландыру мақұлданған болатын.

Ермұрат Нұрханов, «Қазавтожол» ҰК» АҚ ПОФ директоры:

Автомобиль жолдары комитетінде жоба бәрі бар. Жоба мемлекеттік экспертизадан өткен. Дайын тұр. Бірақ қаражат бөлінбеген соң жұмыстар басталмады.

Болат Аманбаев