Жаңалықтарды Telegram арнамыздан оқыңыз!Атыраулық жастар жалпыхалықтық референдумның маңызын талқылады. Абай орталығында өткен басқосуға колледждер мен жоғары оқу орындарының 40 шақты студенті қатысты. 3 сағатқа созылған пікір алмасуда, Республикалық қоғамдық қолдау штабының өңірдегі өкілдері Ата заңға енгізілетін өзгерістерге жеке-жеке тоқталды. Жиналғандар, референдумға қатысып, саяси науқанның әділ әрі жоғары деңгейде өтуіне үлес қосатындықтарын жеткізді.
Бақдәулет Өміртаев, Атырау мұнай және газ университетінің студенті:
Не себепті барам? Мен өзімнің азаматтық құқығымды білуім керек. Яғни, Конституцияның ішіндегі белгілі бір мен келіспейтін жерлер болса, немесе мен келісетін жерлер болса өзімнің дауысымды барып беруім керек. Үйде жатып алып, мынау дұрыс, мынау дұрыс емес дегеннен гөрі өзім сол жерге барып, дауысымды берейін.
Жандос Темірғали
