Жаңалықтарды Telegram арнамыздан оқыңыз!Мемлекеттік сатып алудағы жемқорлықты жою үшін, тапсырыс берушілерге талап күшейтілді. Яғни сатып алуды тек бір көзден жүзеге асыру жемқорлыққа жол ашады және бәсекелестікті төмендетеді. Бұл туралы бүгін Қаржы вице-министрі мәлімдеді. Айтуынша тендер тиімді шарттар ұсынатын кәсіпкерлерге ғана берілуі керек. Былтыр осы мақсатта бір көзден сатып алу 69 пайыздан 39-ға азайтылған. Биыл тағы 20 пайызға қысқарту көзделіп отыр. Ол үшін тапсырыс берушілерге бірнеше талап қойылды.
Дәурен Кеңбейіл, ҚР Қаржы вице-министрі:
Біріншіден, олар бір көзден сатып алатын болса, арнайы түрде веб-порталға баяндамасын жасап, неге бір көзден сатып алады соны түсіндіреді. Және тапсырыс берушінің бірінші басшысы сол баяндамаға қол қояды. Яғни бір көзден сатып алғаны үшін өзіне жауапкершілік алады.
