«Amanat» аймақтағы мәселелерді бақылауға алды

Атырау қаласы «Береке» шағын ауданындағы құрылысы ұзаққа созылған балабақша биыл пайдалануға беріледі. «Amanat» партиясының атқарушы хатшысы аймаққа сапары барысында тұрғындармен кездесіп, мәселенің бақылауға алынғанын айтты. Сонымен қатар Асхат Оралов мұнайшылармен және балықшылармен кездесті. Олар Атырау-Астрахань автожолын жөндеу жұмыстарының ұзаққа созылып кеткенін және Жайық өзені жағдайының нашарлауы секілді мәселелер көтерді. Кездесулер кезінде атқарушы хатшы тұрғындарды референдумға белсенді қатысуға шақырды.

Асхат Оралов, «Amanat» партиясының атқарушы хатшысы: 

 Осы жолы Президент айтты халық өзі шешсін. Сондықтан Ата заңға өзгерістерді Президент референдумға шығарып отыр. Сондықтан да 5 маусым күні баршаңызды осы сәтті пайдалана отырып шақырамыз. Шешімді өздеріңіз қабылдайсыздар. Жаңа Қазақстанды құрамыз десек осы Ата заңнан бастау керек.