Жаңалықтарды Telegram арнамыздан оқыңыз!Маңғыстау облысында бір топ Мәжіліс депутаты жергілікті халықпен кездесіп, алдағы референдумның маңыздылығын түсіндіруде. Кезекті басқосу Мұнайлы ауданында өтті. Депутаттар Ата заңға енгізілетін өзгерістердің болашақта жалпы халықтың жағдайының жақсаруына оң әсер ететінін баса айтты. Өйткені, Парламенттің рөлі мен мәртебесін күшейте отырып, сайлау жүйесін реформалау, жаңа саяси партиялардың құрылуы маңызды. Сондықтан әрбір азаматтың ұсынысы, қолдауы және белсене атсалысуы референдумның іске асуына ықпал етпек.
Еділ Жаңбыршин,. ҚР Парламенті Мәжілісінің депутаты:
Супер Президенттік басқарудан біз мықты Президентке, ықпалды Парламентке, есеп беретін Үкімет моделіне көшу. Сол арқылы халықты мемлекеттік басқару ісіне араластыру, экономикалық монополияны алып тастау, олигополияны алып тастау, клептократияға жол бермеу, жемқорлыққа жол бермеу осының бәрі осы болатын алдағы референдумда басталады деп есептейміз.
Аягөз Оралбайқызы
