Ақсу ферроқорытпа зауытының жұмысшылары Референдумға белсенді атсалыспақ

Референдумды қолдау республикалық қоғамдық штабының Павлодар облысы бойынша өкілдігінің мүшелері Ақсу ферроқорытпа зауытының жұмысшыларымен кездесті. Кәсіпорын қалдықсыз өнім шығаруға арналған жаңа технология бойынша жұмыс істейді. Өнімнің 90 пайызы экспортталады. Серпінді жобаларды жүзеге асырып, өндіріс өнімділігін еселеген еңбеккерлер Референдумға белсенді атсалыспақ. Ата Заңға енгізуді ұсынылған өзгерістерді Конституциялық Кеңес мақұлдады. Ал, нақты шешімді қабылдау халықтың өзіне ұсынылып отыр деді штаб өкілдері.

Нұргүл Қайырденова, Референдумды қолдау республикалық қоғамдық штабының павлодар облысы бойынша өкілдігінің мүшесі:

Бұл реформаны жасауды Президентіміз халыққа артып отыр. Тек қана халықтың шешімімен жүзеге асырылуы тиіс. Яғни, Ата Заңды өзгерту тек өз қолымызда. Бұған елім, жерім деген азаматтық ұстанымы бар азаматтардың бәрі атсалысуы қажет деп ойлаймын.

Болат Аманбаев