Маңғыстау облысында үйлерін су басқан тұрғындарға бір реттік көмек беріледі

Маңғыстау облысында үйлерін су басқан тұрғындарға бір реттік қаржылай көмек беріледі. Бірақ қаржы комиссияның шешімімен шығын көлеміне қарай бөлінбек. 

Айта кетейік, толассыз жауған нөсер жауыннан әсіресе, Жаңаөзен қаласы мен Мұнайлы ауданының тұрғындары зардап шекті. Барлығы 43 үйді су басты. Өкінішке қарай, Батыр ауылында бір үйдің 2 баласы құдаққа жиналған жаңбыр суына түсіп, қайтыс болды. .Ал, Бейнеу ауданында автобус толы адам балшыққа батып, жолда қалған. Құтқарушылар 23 тұрғынның жартысын ауылға сол күні, қалғанын келесі күні бір-ақ жеткізді.

Азамат Құлманов, Мұнайлы аудандық төтенше жағдайлар бөлімінің бастығы:

Су сору жұмыстары әлі де жалғасып жатыр. Қазіргі таңда тек бізде Атамекен ауылдық округі қалды. Су кірген үйлердің бәрін қарау жұмыстары жүргізілуде. 

Аягөз Оралбайқызы