Ауғанстанда су тасқынынан 22 адам қаза тапты

Ауғанстанда жексенбіден бері жаңбыр құйып, елдің түрлі аудандарында кенеттен су тасып, кемінде 22 адам қаза тапты. Әлем ақпарат құралдарының хабарлауынша, тағы 30 шақты тұрғын жараланған. Бұған қоса, жүздеген үй қирап, мал қырылып, егіс алқаптары жойылды.

Елдің Апатпен күрес министрлігінің өкілі Насим Хакканидің мәліметінше, қазір зардап шеккен аудандарда тасқынның зардабын жою жұмыстары жүргізіліп жатыр. Дегенмен, кейбір ауылдардың тұрғындарына үйлерін тезірек қалпына келтіруге техника тапшылығы кедергі болып отыр.

Арыстан Рысбек