Елордада «Ұлы дала ұландары» көрмесі ашылды

Елордада Қазақстан қарулы күштерінің 30 жылдығы мен Екінші дүниежүзілік соғысының батырлары Хиуаз Доспанова, Талғат Бигелдинов, Мәншүк Мәметованың 100 жылдығына орай «Ұлы дала ұландары» атты көрме ашылды. Онда қазақ батырларының ерліктерін бейнелейтін тарихи бұйымдар мен фотосуреттер ұсынылды. Тарихи естеліктерді сақтау, оның мұрасын жас ұрпақтың зердесінде қайта жаңғырту – шараның басты міндеттерінің бірі дейді ұйымдастырушылар.

Күләйша Ақтаева, Елбасы кітапханасы директорының орынбасары:

Біз еліміздегі Қарулы күштеріміздің тарихын және оның негізі болып есептелетін батырлар институтынан бастап, біз өзіміздің ойымызды жеткізуге тырыстық.  Жасөспірімдеріміз жақсылап зерттеп, сабақтастықты осындай көрмеде жалғастыруымыз керек.