Семейліктердің қалауы бойынша мәдениет саласындағы мәселелер талқыланды

Мұхтар Әуезовтің 125 жылдық мерейтойына орай Бөрлідегі жазушының музей-үйінде жаңа экспозициялық зал ашылды. Оған Мәдениет және спорт министрі Дәурен Абаев қатысты. Министр өңірдегі өзге де тарихи орындар мен мұражайларды аралап, Семейдегі Абай музейінде халықпен кездесті. Көпшілік, қазақ күресіне баулитын мектептерді ашу, спортшыларға квота беру және оқу гранттарын бөлу керектігін айтты. Сондай-ақ театр мен музейлерде еңбек ететін техникалық қызметкерлердің жалақысын өсіруді ұсынды. Бұл санаттағы мамандар 60 мың теңгені місе тұтуға мәжбүр. Сондай ақ, туристік әлеуеті жоғары өңірде мамандардың жоқтығы да айтылды.

Дәурен Абаев, ҚР Мәдениет және спорт министрі:
Біз мына гид-экскурсоводтардың жұмыстарына байланысты, біз сол мәселені қолға алып жатырмыз. Өйткені маман даярлау керекпіз. Білікті маман. Мамандықтар ашылады. Екінші біз қарастырып жатармыз, лицензиялау мәселесін қолға аламыз.

Ержан Жақып