Игорь Дужнов өмір бақи бас бостандығынан айырылды

Алматыда 5 адамды атып тастаған Игорь Дужнов өмір бақи бас бостандығынан айырылды. 54 жастағы қала тұрғыны соттың шешімімен үйін босатуды талап еткен екі полицей мен сот орындаушысын және баспананың жаңа иесі мен оның танысын өлтірген еді. Салдарынан 5 отбасы асыраушысыз қалған. Дужновтың әрекеті өзін-өзін қорғау деп танылмады. Өйткені көз жұмғандар тарапынан қару немесе күш қолдану дерегі тіркелмеген. Соттың үкіміне осы аталған факторлар себеп болды. Енді ол жазасын түрмеде өтейді. Сондай-ақ, сот зардап шеккендердің талабын ескеріп, заңға сәйкес айыпталушыны 9 млн теңгеге жуық материалдық шығын, 65 млн теңге моральдық шығын өтеуге міндеттеді.

Нұрсұлтан Тілектесов