Жаңалықтарды Telegram арнамыздан оқыңыз!Павлодардағы өртке оранған 28-ші мектепті тез арада жөндеу үшін, облыс әкімшілігінің резервінен қаржы бөлінетін болды. Бірнеше мердігер фирма, нысанды қалпына келтіру жұмыстарына кірісіп те кетті. Естеріңізге сала кетейік, кеше таңғы 8-де физика кабинетінде тұтанған жалын, әп-сәтте шатырға тиіп, 1200 шаршы метр аумақты от шарпыды. Иіс тиіп уланған бір мұғалім және 8-ші сынып оқушысы ауруханаға жеткізілді. Алдын-ала дерекке қарағанда, мектепте өрт қауіпсіздігі ережелері сақталмаған. Қазір оқушыларға сабақ онлайн форматта жүріп жатыр.
Әйгерім Әбенова, облыстық Білім басқармасы басшысының міндетін атқарушы:
Екі күн сабақты онлайн форматта өткіземіз. Дүйсенбіден бастап мектептің өрттен аман қалған бөлігінде оқитын болады. Ал, сыймай қалған сыныптар жақын маңдағы мектептерге арнайы автобустармен апарылады.
Болат Аманбаев
