Жаңалықтарды Telegram арнамыздан оқыңыз!Бүгін Президент Ресейдің Омбы облысының губернаторы Александр Бурковты қабылдады. Мемлекет басшысы Омбы жерінде өмір сүріп жатқан қандастарымыздың тарихи Отанымен, рухани байланыс жасауына ерекше мән беріп, жан-жақты қолдау көрсетіп отырғаны үшін Александр Бурковқа алғыс білдірді.Сонымен қатар мемлекет басшысы Омбы өңірінде қазақ халқының ұлы перзенттері Шоқан Уәлиханов пен Сәкен Сейфуллинді ұлықтағаны үшін, облыс әкімшілігі мен тұрғындарына қазақстандықтардың ризашылығы шексіз екенін жеткізді. Кездесу барысында бұдан бөлек сауда, машина жасау, көлік және ауыл шаруашылығы салалары бойынша, өзара тиімді кооперация мәселесі талқыланды. Бүгінде Қазақстан мен Омбы облысы арасындағы сауда-саттық 380 миллион доллардан асқан.
Шерхан Жамбылұлы
