Жаңалықтарды Telegram арнамыздан оқыңыз!Ақмола облысында көктемгі егіс науқанына дайындық қыза түсті. Қазір өңір диқандары алқаптарға ылғал жауып жатыр. Биыл аймақта 5 миллионнан астам гектар аумаққа дән себіледі. Игерілмей жатқан жерлерді айналымға енгізудің арқасында егіс алқабы 57 мың гектарға ұлғайды.
Оншақты күннен бері облыстың 9 ауданында диқандар алқапқа ылғал жауып жатыр. Қалған аудандар бірер күнде іске кіріседі. Себебі қар қалың болып, алқаптар енді ғана кепкен. "Ұмай-Жер" серіктестігі биыл 8 жарым мың гектар жерге дән сеппек.
Райымбек Қалиев "Ұмай-жер" серіктестігінің бригадирі:
Мехобработка болады, содан кейін ылғал жауып жатырмыз қазір. Ылғал жабуды 7-інші апрель бастадық, енді, міне, бітуге жақын қалды. Бір 2-3 күнде бітіреміз.
Алдағы науқанға техникалар дайын. Ақауы бары түгел жөнделген. Егін салуға облыс бойынша барлығы 14 мыңнан астам техника жұмылдырылмақ. Ақмола облысына жеңілдетілген бағамен 72 мың тонна жанар-жағармай қарастырылған. Өткен айда оның 20 мың тоннасы аудандарға жеткізілді. Қалғаны алдағы екі айда берілмек. Қиындықтарға қарамастан биыл тұқымнан тапшылық жоқ , - дейді мамандар.
Еркеш Әленов, Облыстық ауыл шаруашылығы және жер қатынастары басқармасы басшысының орынбасары:
530 мың тонна былтыр күзде тұқым дайындалған болатын. Қазір таңда лабораторияларға 450 мың тоннасы өткізіліп, қазір 1-інші, 2-інші класстағы тұқым болып шығып жатыр қазіргі жағдайда. 33 хозяйство бар тұқым сататын. Ол хозяйстволарда 50 мың тонна 1-інші, 2-інші, элита тұқымдары қазір сатылуда. Тұқым мәселесі облыс бойынша шешілген.
Ақмолалық диқандар егіс науқанын 10-ыншы мамырға қарай бастап, 20 күнде аяқтауды жоспарлап отыр. Ол үшін тәулігіне 255 мың гектарға дән себу қажет.
Ермек Елберген
