Жаңалықтарды Telegram арнамыздан оқыңыз!Қазақстан Біріккен Ұлттар Ұйымына мүше мемлекеттер қабылдаған тұрақты даму мақсаттарын жүзеге асыру жобасының екінші кезеңін бастайды. Бұл туралы Экономикалық зерттеулер институтының өкілдері мәлімдеді. Халықаралық ұйым бекіткен қағидаттарды еліміз кезең-кезеңімен жүзеге асырып келеді. Осы мақсатта Үкімет басшысы орынбасарының төрағалығымен 5 жұмыс бағыты бар үйлестіру кеңесі жұмыс істейді. Ол - адамдар, жер, өркендеу, серіктестік және бейбітшілік. Жоба кедейлікті жою, табиғи ресурстарды сақтау, адамдардың әл-ауқатын арттыруды көздейді. Бұл бағытта Ұлттық экономика министрлігімен бірлесіп екінші ұлттық шолудың жобасы әзірленді.
Бақытгүл Хамбар, «Экономикалық зерттеулер институты» АҚ ТМД жөніндегі хатшылық директоры:
Тұрақты даму мақсаттарының саны – 17. Ол бойынша ерікті ұлттық шолуда әрбірі бойынша талдау жасау талап етілмейді. Жүзеге асыру тек қана тек қана Үкіметтің емес, сіз бен біздің, бизнестік, халықтың, барлығымыздың мақсатымыз.
