Жаңалықтарды Telegram арнамыздан оқыңыз!Ресейге қарсы санкция салдарынан Қазақстан қазынасына 300 млрд теңге түспей қалуы мүмкін. Бұл туралы Қаржы министрлігінің өкілдері хабарлады. Демек шығын тек Каспий құбыр консорциумындағы апатқа байланысты емес. Отандық компаниялардың Ресейге экспорттық үлесі азайған. Өйткені әр түрлі саладағы әлемдік компаниялар тауарын Ресейге экспорттаудан бас тартпақ. Осыған байланысты көрші ел арқылы бізге келетін тауарлар да азаяды, дейді - мамандар. Бұл импорттан түсетін салық мөлшерінің төмендеуіне әкеледі. Санкцияға ілікен үш банктің елдегі жұмысы тоқтаса, бұл да бюджетке түсімді азайтады.
Ақерке Бектас
