Алматы облысында 11 жастағы баланы көлік қағып кетті

Алматы облысында 11 жастағы баланы көлік қағып кетті. Оқиға Қарасай ауданының Балақты ауылында болған. Жолды кесіп өтпек болған оқушы көлік астына түскен. Бұған дейін апат болған жол учаскесінің қауіпті екенін айтып ата-аналар мектеп басшылығы мен әкімдікке бірнеше рет шағымданған. Облыстық полиция департаментінің хабарлауынша көлікті тізгіндіген 27 жастағы аудан тұрғыны. Оған қатысты әкімшілік хаттама толтырылды. Абырой болғанда зардап шеккен баланың жарақаты ауыр емес. Ол қазір амбулаториялық ем алып жатыр.