АҚШ Қасым-Жомарт Тоқаевтың саяси және экономикалық бастамаларын қолдайды

АҚШ Қасым-Жомарт Тоқаевтың саяси және экономикалық бастамаларын қолдайды. Бұл туралы АҚШ Мемлекеттік хатшысының азаматтық қауіпсіздік, демократия және адам құқықтары мәселелері жөніндегі орынбасары айтты. Сондай-ақ, Узра Зея мемлекеттік хатшы Ерлан Қаринмен кездесу барысында екі жақты сындарлы диалогты жалғастыруға ықыласты екенін жеткізді. Ал Ерлан Қарин мемлекет басшысының жолдауы елді жаңартуды көздейтін ұзақмерзімді бағдардың және жалпы саяси жаңғыру үдерісінің ажырамас бөлігі екенін атап өтті. Мемлекеттік хатшы көппартиялы жүйе, азаматтық қоғам институттары және адам құқығын қорғау саласын одан әрі дамыту жөніндегі бастамаларға да тоқталды.

Саламат Омаш