Түркістан облысының тұрғыны қолдан жасалған долларды сатпақ болған

Түркістан облысының тұрғыны жалған ақшаны сатып жатқан жерінде қолға түсті. Ол қанша соманы қолдан жасаған және кімге өткізбек болған?

Айнұр Ақбаева, тілші:

Түркістан облысының тұрғыны 100 долларлық банкноттарды сатқысы келген. Қолындағы ақшаның толық соммасы 9 300 долларды құраған. Алайда оның жалған купюраларды саудалап, табысқа кенелемін деген арам ойы іске аспай қалды. Күдіктіні Шымкент қаласы бойынша экономикалық тергеп-тексеру департаментінің қызметкерлері қолға түсірген. Қазір ол Қылмыстық кодексінің 231-бабы бойынша көзделген қылмысты жасады деген күдікпен ұсталып, уақытша ұстау изоляторына қамалды. Оған қатысты тергеу шаралары жалғасуда. Өзге ақпарат тергеудің құпиялылығына байланысты жария етілмейді.

Айнұр Ақбаева