Жаңалықтарды Telegram арнамыздан оқыңыз!Алматы облысында бес жасар баладан менингит анықталды. Облыстық санитарлық-эпидемиологиялық бақылау департаментінің хабарлауынша, жұқпалы ауру Талғар қаласында тіркелген. 7 сәуір күні 2017 жылы туған қыз бала Алматы қалалық балалар жұқпалы аурулар ауруханасына ауыр халде жеткізілген. Бүлдіршін екі күн бойы жансақтау бөлімінде жатып, беті бері қарады. Қазір жағдайы жақсы дейді дәрігерлер. Менингококк инфекциясының тіркелгені туралы облыстың санитар дәрігерлері де растап отыр. Баланың жақындары мен ол баратын балабақшаның қызметкерлері және тәрбиеленушілері бақылауға алынды.
Әлия Ғалымжанқызы, Облыстық санитариялық-эпидемиологиялық бақылау департаментінің өкілі:
Бөлім мамандары науқастың ауру ошағы болуы мүмкін тұрғылықты жері мен балабақшада эпидемияға қарсы іс-шаралар жүргізіп жатыр. Барлығы ЛОР дәрігеріне қаралды, бактериологиялық тексеруден өтті, зерттеу нәтижесі тексеріліп жатыр. Антибиотикалық профилактика тағайындалды. Байланыстағы адамдар дәрігерлердің бақылауына алынды.
