Бюджет қаржысын талан-таражға салды: Павлодар облыстық ПД басшысының орынбасары ұсталды

Павлодар облыстық полиция департаменті басшысының орынбасары ұсталды. Оған «бюджет қаржысын талан-таражға салды» деген айып тағылып отыр. Қанша көлемде, кімдермен сыбайлас болғаны әзірге жарияланған жоқ. Қазіргі уақытта Ішкі істер министрлігі және Сыбайлас жемқорлыққа қарсы іс-қимыл агенттігі тарапынан бірлескен жедел тергеу тобы құрылған. Істі солар жүргізіп жатыр. «Жоғары лауазымдағы офицердің қамалуы да жемқорлыққа қарсы 2 ведомствоның ымыраласа жұмыс істеуінің нәтижесі», – деп мәлімдеді Ішкі істер министрлігі.

Болат Аманбаев