Жаңалықтарды Telegram арнамыздан оқыңыз!Қазақстанда дәрі-дәрмек өнімдерін экспорттауға уақытша тыйым салынуы мүмкін. Денсаулық сақтау министрлігі жариялаған құжатқа сәйкес, 6 айға ел аумағынан кез келген дәрілік заттарды, медициналық мақсаттағы бұйымдарды, оларды өндіруге арналған материалдарды шығаруға тыйым салу ұсынылды. Тек транзиттік жүктер мен гуманитарлық көмекке арналған тауарлар, көрмелер мен зерттеулерге арналған үлгілер және мемлекеттік тіркеу кезінде сараптамаға алынған нұсқаларды экспорттауға болады.
Сондай-ақ, дәрілік заттарды халықаралық мәдени-спорттық шараға қатысушыларды емдеу үшін сыртқа шығаруға рұқсат етіледі. Бұйрық жобасы 6 сәуірге дейін қоғамдық талқылауға ұсынылған.
