Тендердегі былық: 1 литр сүт 14 миллион теңгеге бағаланған

Қызылорда облысында мемлекеттік сатып алу жүйесінде тапсырыс беруші мекеме 1 литр сүтті 14 миллион теңгеге бағалаған. Тендердегі былықты сыбайлас жемқорлыққа қарсы мониторингтік топ анықтады.

Тапсырысты Шиелі аудандық білім бөлімі жариялаған. Бірақ құзырлы органның ұсынысынан кейін баға қайта қаралып, сүттің литрі 223 теңгеге төмендеген. Сондай-ақ, аймақтағы 11 мекеменің жанар-жағармайды нарықтағы шекті құнынан әлде қайда жоғары бағамен сатып алмақ болғаны анықталды.

Ғалия Әлімқұлова, облыс бойынша Сыбайлас жемқорлыққа қарсы іс-қимыл департаменті басшысының бірінші орынбасары:

2022 жылдың екі айында 17 мекемеге жолданған ұсыныстардың нәтижесінде жалпы сомасы 351 млн 230 мың теңге бюджет қаражаты үнемделді.

Әділбек Серікұлы