Жаңалықтарды Telegram арнамыздан оқыңыз!
Кеше боран салдарынан Ақмола облысында екі ірі жол апаты болды.
Нұр-Сұлтан-Бурабай тас жолында Бозайғыр ауылы маңында 16 көлік соғылған. Ал Қосшы қаласы жанында бір мезетте 10 машина зақымданған. Ауыр жарақат алғандар жоқ. Облыс аумағында қолайсыз ауа райы бірнеше күн бойы сақталуда. 21-інші наурызда боранға байланысты бірнеше жол апаты болып, 3 адам көз жұмды. Оның екеуі 2019 және 2020 жылы туған балалар. 20 шақты адам түрлі дене жарақаттарын алды. Болжам бойынша алдағы күндері де қатты жел тұрып, боран болуы мүмкін.
Қостанай облысының Арқалық қаласы мен Әулиекөл, Аманкелді аудандарының аумағында жолда қалған 52 адам қауіпсіз жерге жеткізілген. Медициналық көмекке жүгінгендер жоқ, бәрі дін-аман.
Ермек Елберген
