Еуропа дүкендерінде азық-түлік сатып алуға шектеу қойылды

Еуропа дүкендерінде азық-түлік сатып алуға шектеу қойылды. Италияда әр клиент күніне тек 2 келі ұн сатып ала алады. Испания супермаркеттерінде тәулігіне адам басына 5 келі макарон мен 5 литр күнбағыс майынан артық сатылмайды. Елде өсімдік майының қоры алдағы 6 аптаға ғана жеткілікті. Себебі, Украина мен Ресейден май экспорты тоқтаған. ЕуроОдақ елдеріне тасымалданатын күнбағыс майының 45 пайызы Украинаға тиесілі. Одаққа мүше мемлекеттер өнімнің бұл түрін енді Аргентина мен Оңтүстік Африкадан сатып алуды көздеп отыр. Сондай-ақ, Еуропа елдері шетелдік импортқа тәуелділіктен құтылу үшін биыл жаппай күнбағыс өсіруді қолға алмақ.

Нұрсұлу Қасым