Шардарада заңсыз майнинг фермасы анықталды

Түркістан облысында заңсыз майнинг фермасының жұмысы әшкереленді. Шардара су электр станциясының маңында жасырын жұмыс істеп келген фермадан 3 мыңға тарта құрал-жабдық табылған. Олардың құны 1 млрд теңгеден асып отыр. Сот сарапшысының қорытындысына сәйкес, бұл ферма өткен жылдың тоғыз ай көлемінде жұмыс істеп келген. Кіріс көлемі, шамамен, 450 млн теңгеден асқан. Қазір Қаржы мониторингі агенттігі мен ұлттық қауіпсіздік комитеті қызметкерлері тергеу жүргізіп жатыр.

Айнұр Ақбаева