Жаңалықтарды Telegram арнамыздан оқыңыз!Украинадағы қазақстандықтар үшін арнайы рейс ұйымдастырылады. Бұл туралы Сырты істер министрілгінің өкілдері мәлімдеді. Отандастарымызды елге қайтару бүгін-ертеңге жоспарланып отыр. Азаматтар мүмкіндігінше Львов қаласына келуге тиіс. Әуе кемелері Польшаның Катовице қаласынан ұшады. Қазақстандықтар Украина-Польша шекарасынан әуежайға дейін визасыз «жасыл дәліз» арқылы жеткізіледі. Біздің елшілік өкілдерінің мәліметінше, таңертең 486 адамнан өтініш түскен. Оларды 3 рейспен тасымалдау жоспарланған. Бір жарым мың адам консулдық есепте тұр. Есепке алу жұмыстары жалғасып жатыр. Қосымша ақпаратты экранда көрсетілген телефон нөмірлері арқылы біле аласыздар.
Львов қаласындағы ҚР Құрметті консулдығы:
+38 (032) 240-36-70, +38 (067) 989-28-19
Әуе компанияның өкілдігі:
+38 (050) 051-11-17, +38 (050) 981-54-49))
Одесса облысындағы қазақстандықтар Молдова арқылы қайта алады
Сондай-ақ, Украинаның Одесса облысындағы отандастарымыз Молдова арқылы қайта алады. Бұл туралы осы елдегі елшілік өкілдері хабарлады. Қазақстандықтар Старо-Казачья, Паланка, Тудора және Серпневое-1 шекара аймағынан өте алады. Қосымша ақпаратты экранда көрсетілген телефон нөмірлері арқылы білуге болады.
ҚР Молдова Республикасындағы Елшілігі:
+373 61 070 550
+373 60 601 676
+373 69 474 722
ҚР Молдовадағы Құрметті консулы:
+373 788 22 222))
