Мемлекет басшысы Украинадағы жағдайларға байланысты Қауіпсіздік Кеңесінің шұғыл жиынын өткізді

Ақордада Мемлекет басшысының төрағалығымен Қауіпсіздік Кеңесінің шұғыл жиыны өтті. Онда Украинадағы жағдайларға байланысты Қазақстанның одан әрі әлеуметтік-экономикалық даму мәселелері қарастырылды. Жиында Премьер-министр, Ұлттық банк төрағасы және Сыртқы істер мен Қорғаныс министрі баяндама жасады. Қасым-Жомарт Тоқаев әскери-саяси және санкциялық текетірестердің салдарынан ушығуы мүмкін халықаралық ахуалға шұғыл әрекет ету үшін дағдарысқа қарсы жедел шаралар жоспарын қабылдау қажет екенін айтты. Мемлекет басшысы ықтимал экономикалық қауіп пен өзге де қатерлердің алдын алу жөнінде бірқатар нақты тапсырма берді.

Шерхан Жамбылұлы